शब्दात काय सांगु
माझी करुण कहाणी
कंठात स्वर दाटलेला
अन् ओठी लपली गाणी ।।
स्वायत्त अन् स्वतंञ तु
तु सागरा परी अथांग
पाण्यास पाणी नको
मग काय म्हणु सांग ।।
ग्रंथीस माझ्याही बघ
किती ताण येत आहे
नेमक्या ग्रंथास कोणत्या
सांग तु सन्मान देत आहे ।।
कोणते तज्ञ अन्
कोणता संदर्भ तुझा
सत्यास प्रसवणारा
हैराण गर्भ माझा ।।
मान्य तुझा आम्ही
ठेवला पाहिजे आदर
पण तुही जरा आमची
केली पाहिजे ना कदर ।।
#असंच_काहितरी
📝शशिच्या मनातले
