फूल

*फूल...........*

बाप महा सरकार
बनतच आलाय फूल ।
जाण्यासाठी वावरात तेव
सोडतो पहाटच खाट
सर्ज्याराज्या दावणीला तिथं
पाहती त्याची वाट
करुस्तोर चारापाणी त्याह्यची
लाईट काय टिकत नाय
टिकलीच तर फ्युजाचे
खटके उडत राह्य
तीचं हे ठरलेलच असतं
जाणंयेणं सारं मनावरच असतं
सांगताच येत नाही
कधी होईल गूल
बाप महा सरकार
बनतच आलाय फूल.....

लाईटासारखच पावसाचबी
लहरीवरचच असते काम
कधी कोरड्या ठन्न इहिरी
कधी वैताग आणते जाम
गरजेच्या वक्ताला तेवबी
देतो नेहमीच हूल ...
बाप महा सरकार
बनतच आलाय फूल......

दुष्काळातबी आश्वासनांचा
पाडता राव तुम्ही पाऊस
देवापुढचा नीवद खाणारे
तुम्ही तर वाटता मले माऊस
मला तं दिसते फक्त
गरमलेली मातीची कूस
अन् त्याच मातीवर पेटवलेला
बा नं उभ्या उभ्या ऊस
का बरं सरकार अशी लटकी
पांघरता कैवार्याची झूल
बाप महा सरकार
बनतच आलाय फूल......

खर खर विचारतो तुम्हाले
नेमकी चुक कोणाची
कुणाचं पोट मोठं अन्
मोठी भुक कोणाची
त्याची नेहमीच सरकार
पडते तुम्हाले भुल
म्हणुन तर म्हणतो
बाप महा सरकार
बनतच आलाय फूल.....

एकच मागणे तुम्हाकडे
शेतकरी बा ची कधी,
बंद राहु नये चुल
त्याचेच रिकामे पोट
अन् तुमची ढेरी फुल
हे काही बरं नाही...
तुमचं हे वागणं खरं नाही ...

म्हणुन नका मी का हे सांगतो
कारण मी आहे त्याचेच मुल
तेंव्हा आतातरी त्याला
नकाच बनवू फूल......

बाप महा सरकार
बनतच आलाय फूल.....

*✍ शशिकांत मा. बाबर*
*📞९१३०६२०८३४*

*www.shashichyamanatale.blogspot.com*