तुझ्या माझ्या शहरातला फरक

तुझ्या शहरात
मोठमोठ्या घरात छोटछोटी माणसं राहतात
अन् माझ्या शहरात
छोटछोट्या घरात मोठमोठी माणसं
एवढाच काय तो फरक
तुझ्या अन् माझ्या शहरात.......
तुझ्या शहरात
चकमकीत रस्ते पण चाल बिघडलेली माणसं
माझ्या शहरात
बिघडलेल्या रस्त्यावरुन निट चालणारी माणसं
एवढाच काय तो फरक
तुझ्या अन् माझ्या शहरात.........
तुझ्या शहरात
उंच इमारतींना श्रीमंतीचा माज
माझ्या शहरात
गरीबीला ईमानदारीचा साज
एवढाच काय तो फरक
तुझ्या अन् माझ्या शहरात........

# असंच काहितरी