प्रजासत्ताक

***** *प्रजासत्ताक* *****

तो अजुनी राबतोच आहे
शेताच्या बांधावर मरतोच आहे
घाम सिंचुन वाढवतो पिकांना
पण तरी भावासाठी झुरतोच आहे ॥

तो नावान तसा राजा आहेच
कधी बळीराजा कधी मतदार राजा
तरी का कुणास ठाऊक त्याच्या
सातबार्यावर कायमच कर्जाचा बोजा ॥

तो हल्ली भांबावलाच कधी
तर जर्रास घेतो झाडाला टांगुन
कारण त्याचं थोडच ऐकणार असतं
कुणी कितीही मोठ्यानं सांगुन ॥

तो गेल्यावर माञ घरापुढं रांगा लागतात
पांढरपेशे प्राणी येतात घेऊन मगरीचे अश्रु
आम्ही तुमच्या साथ आहोत सांगत
खर तर हिच पिलावळ असते खरी शञु ॥

पण वजनदार खादीपुढं बिचारी जनता
कायमच असते लाचार
म्हणुनच तर लुळीपांगळी होते लोकशाही
अन् फोफावतो भ्रष्टाचार ॥

इंग्रज देशातुन गेले हे फक्त
आम्हाला पुस्तकातच खरं वाटतं
लोकशाहीचं फसवं पुराण
ए. सी. कोचमध्येच बरं वाटतं ॥

शेताच्या बांधावर अजुनही स्वातंञ्याचा
होत नाही कधीच जश्न
कारण स्वातंञ्य कंच्च्या गाढवीणीचं नाव आहे ?
हा माझ्या बा ला पडतोच प्रश्न ॥

लालकिल्ल्यावरून बोलणारा माणुस
असो कुणीही त्याची भाषा तीच असते
दिवसभर देशप्रेमाची नशा
मग वास्तवाचीच झिंग असते ॥

कुणी सांगेल का,तिरंगा विकणार्या बेरंग हातांना
कशाला म्हणायचं प्रजासत्ताक ...?
कदाचित सत्तेसाठी प्रजेचा वापर करायचा ....
हे तर नसेल प्रजासत्ताक असणं .......?
कुणास ठाऊक मी अजुन शोधतोच आहे ..... अर्थ
कारण बापानच तर शिकवलय
द्यायला शेवटपर्यंत .... शर्थ ॥

*✍शशिकांत मा. बाबर*
*📞९१३०६२०८३४*

गझल

*टाळू नकोस मजला......🌹🌹*

तु उगाच अशी आता, टाळू नकोस मजला
वेदनेत विरहाच्या हल्ली, जाळु नकोस मजला ॥

होईल कशी गीणती, सांग तुझी गं पुरी
उगाच गणितातुन तुझ्या, गाळू नकोस मजला ॥

घेऊन फोटो कुशीत, घालुन डोके उशीत
साठलेलो नयनात मी, ढाळू नकोस मजला ॥

कळते का सांग तुला, माझ्या कागदांची भाषा
नुसतेच काळजात तुझिया, पाळु नकोस मजला ॥

घे गंध फुलांचा , अन् हो बेधुंद तु आता
नुसतेच गजर्यात तुझ्या, माळु नकोस मजला ॥

असुनी नजरे समोर, टाळू नकोस मजला
गेल्यावरी दुर मग, डोळ्यातुन गाळू नकोस मजला ॥

तु उगाच अशी आता, टाळू नकोस मजला
वेदनेत विरहाच्या आता, जाळु नकोस मजला ॥

*✍शशिकांत मा. बाबर*
*📞९१३०६२०८३४*
*www.shashichyamanatale.blogspot.com*

गळफास

*गळफास बोलला फांदीला*

गळफास बोलला फांदीला
का गं ? एवढी गर्दी आज ह्या पांदीला
आज पर्यंत कसं सारं सुनं सुनं होतं
भेगाळल्या भुईवर काळं कुञही येत नव्हतं
मग अाज कसा आला ह्यो ताफा
भर उन्हाळ्यात कशा तोंडातुन वाफा
मी ही आज तोवर पडुन होतो सांदीला
कसा लटकलो ह्या सुकल्या फांदीला
गळफास लागला विचारू फांदीला............
........................................

वाळलेलं झाड बया पाखरांनी भरलं
ज्यान त्यान इथं येऊन का मौन धरलं
कुणीच काही बोलत नाही....
कालपासुन ह्यो बाॅ चिपकुन बसलाय मला
मलाही आता याचा भार तोलत नाही
कुणी तरी याला उतरवेल असं वाटतय
पण ह्यो लटकलाच का..? प्रश्नच पडतय
........................................

सुकलेली, पानं झडलेली फांदी
मग गळा दाटुन लागली सांगायला
मला काही हे नवं नाही बाबा,
माझ्या खालचा जवा करपुन जातो माल
तवा असच होतं सारं, जे झालं काल
कोण देईल उत्तरे लाखो हुंदक्यांची
पुसलेल्या कुंकवांची कोण घेईल जबाबदारी
किड्यामुंग्यांसारखी माणसं मरायला लागली
यापरिस बरी असते महामारी ...............
........................................

तु काय विचारतोस ह्या फांदीला
चल दोघं मिळुन आता विचारु
एकदाचं नोटेवरल्या गांधीला
सांदीला पडलेला दोर
कुठवर असा लटकत राहणार
बापु तुमच्याच देशात तुमचीच लेकरं
कुठवर मरत राहणार...........
........................................

डोळ्यावरचे हात काढुन , बापु माकडांनाही हे बघु द्या
कानांनी किंकाळ्या ऎकुन , तोडांनी काही बोलु द्या
तुमची खादी घालणारे , बापु इथं साधी भाषा बोलतच नाही
अन् त्यांचे जड जड शब्द , आम्हाला काही तोलतच नाही
नाहीतर बापु या देशात माती राहिल पण शेती नाही
अन् राहिलीच शेती तरी शेतकरी नाही....

........................................


*कवि:- शशिकांत मा. बाबर*
*संपर्क :- ९१३०६२०८३४*
*www.shashichyamanatale.blogspot.com*

कळकळ

*कळकळ....*

उरी अंधार पाळुन
दिस जाताया ढळुन ।
मनं बसते गळुन
जनं बघते छळुन ....॥

होतो निखळ निर्मळ
कसा दाटला चिखल ।
विचारांची दलं दलं
मनी तीच मग सलं ॥

होतो झरा खळंखळं
होती जरा पळंपळं..।
आता सल भळंभळं
नाही कुणा कळंकळं ...॥

जावे बदलुनं सारे
हाती घेऊयातं वारे ।
आपल्यासाठी आपणच
आता देऊयातं नारे ...॥

नको इरषा कशाची
नको कशाची आसक्ती ।
सदा हातुन माझ्या रे
व्हावी माणुसकीची भक्ती ॥

यावा दिस लवकर
दुर व्हावी मरगळं ...।
उजेडात रातरीच्या
माझी मलाच कळकळं ..॥

*✍शशि.....*
*९१३०६२०८३४*
*www.shashichyamanatale.blogspot.com*

एक कविता

*-------- एक कविता ---------*

करावी म्हणतो एक कविता
तुझ्या सुंदर दिसण्यावर
तुझ्या निखळ हसण्यावर
कधी तुझ्या नसण्यावर
कधी तुझ्या असण्यावर..॥

करावी म्हणतो एक कविता
कधी तुझ्या चालीवर
कधी कानातल्या बालीवर
कधी गुलाबी गालावर
कधी तुझ्या तालावर ...॥

करावी म्हणतो एक कविता
तुझ्या लाल ओठावर
हाती दिलेल्या बोटावर
तुझ्या गोड लाजण्यावर
विषय आपला गाजण्यावर ॥

करावी म्हणतो एक कविता
कधी तुझ्या रुसण्यावर
काहीच न बोलण्यावर
तरी माझ्या फसण्यावर ...॥

बघेल मला जमलं तर
सौंदर्य शब्दात मांडायला
उगाच तुझ्याशी भांडायला
बनवेल एक कविता
अन् होईल सारा रिता .......
................कागदावर ...॥

*✍शशि.........*
*📞९१३०६२०८३४*
*www.shashichyamanatale.blogspot.com*

साविञीबाई

*सविञीबाई.......*

खरच तुम्हीच विद्येच्या देवता
कारण समाजाचा एवढा विरोध
सारा अन्याय, अत्याचार
अगदी शेणदेखिल झेललत तुम्ही
आणी हे सारं कुणासाठी
फक्त आणि फक्त समाजासाठी
मुलींच्या शिक्षणासाठी
मग यापेक्षा मोठं कुठलं देवत्व असेल
म्हणुन तुम्हीच आहात
विद्येची खरी देवता.....

पण आम्ही अजुनी पुजतो
तीच सरस्वती
हाती वीणा घेणारी देखणी
आम्ही विसरतो तेंव्हा तुम्हाला
तुम्ही झेललेली शेण माती
अन्  हाती देलेली लेखणी
त्याच जिवावर झालेत जे शिक्षित
तेच गाऊ लागतात गुणगान सरस्वतीच
तेंव्हा साविञी राहतेच उपेक्षित ...........

म्हणुनच माझ्या लेखणीन
फक्त एवढच कराव....
गुण साविञीचं गावं.....
भलेही कुणी म्हणेल
नीतिभ्रष्ट नाहितर नास्तिक
मला माञ प्यारी मातीतली बाराखडी
नाही दारावरले स्वस्तिक ...........

म्हणुन साविञीबाई,
प्रत्येक बाईत
माझ्या आईत
सार्या ताईत
सार्याच्यामध्ये असलेल्या
एका साविञीला
माझा शतशः नमन....
भलेही काहीही म्हणो जन ..........

*✍शशि...........*
*📞९१३०६२०८४४*
*www.shashichyamanatale.blogspot.com*

कॅलेंडर

*कॅलेंडर..........*

पाहिलं तर बारा पान फक्त
सरली आजची एकदाची
सोळाव सालं होतं हे
धोक्याचे मोक्याचं सारच
भरभरुन जगलोय ही बारा पानं
उद्या भिताडावर लटकेल
नवं कॅलेंडर
नव्या पानांबरोबर नव्या संकल्पांसह
नव्या सालाच स्वागत करायलाच हवं.....

तसं ह्या बारा पानात
बरेच काहि दडुन राहिलय
खुप काही नवीन शिकलो
खुप काही नवं जगलो
जे टोचलं जे बोचलं
ते तसच सोडुन
जुने मार्ग मोडुन
नव्या वाटेवर चालायचय
दिल्या घेतल्या वचनांना जागायचय ........

ही बारा पानं म्हणजे आयुष्याच्या डायरीतल एक पानच...
ती सारी कोरी पान केलीत काळी ....
आयुष्यातल्या घटनांनी
कुठे मनाजोगतं सारं
कुठे उगाच काहितरी
पण भरवलय आयुष्याच पान.....
आता नवं पान उद्या उगवत्या सुर्याबरोबर हातात येईल
ते भरायचय
अलगद धरायचय
सोळाव सारायचय
सतरातल्या खतर्यांसाठी
पुरुन उरायचय ......
या नव्या कॅलेंडर बरोबर
नवे संकल्प नव्या आशा
अन् शोधायच्यात नव्या दिशा..........
त्या दिशेचा शोध घेण्यासाठी.......
सर्वांनाच शुभेच्छा....🌹🌹

*नववर्षाच्या सर्वांना खुप खुप शुभेच्छा........💐💐*
*या वर्षातला प्रत्येक क्षण भरभरुन जगता यावा... हिच ईश्वर चरणी प्रार्थना*

*✍शशि........*
*📞९१३०६२०८३४*
*www.shashichyamanatale.blogspot.com*

कविता

*💥कविता.....💥*

कविता म्हणजे
नसते फक्त
मदमस्त चाली
ओठावरची लाली
गालावरची खळी
अन् गुलाबाची कळी......

कविता असते
राबणारी माय काळी
बापाची रात पाळी
छाताडाची जाळी
तुझ्या माझ्या भाळी
कोणत्याही काळी

कविता असते
वास्तवाची गोळी
विस्तवाची होळी
काटेरी ती कळी
राबणारा बळी.....

कविता असते
परिस्थितीचे फटके
नियतीचे झटके
नशिबाचे सटके
अगदीच हटके....

कविता कुठे नसते
सुवासिक अत्तरात
हर प्रश्नाच्या उत्तरात
ती असतेच हर स्थळी
फक्त वेचता आली पाहिजे
अन् वाचता आली पाहिजे ....

✍शशिकांत मा. बाबर
📞९१३०६२०८३४