कविता

*💥कविता.....💥*

कविता म्हणजे
नसते फक्त
मदमस्त चाली
ओठावरची लाली
गालावरची खळी
अन् गुलाबाची कळी......

कविता असते
राबणारी माय काळी
बापाची रात पाळी
छाताडाची जाळी
तुझ्या माझ्या भाळी
कोणत्याही काळी

कविता असते
वास्तवाची गोळी
विस्तवाची होळी
काटेरी ती कळी
राबणारा बळी.....

कविता असते
परिस्थितीचे फटके
नियतीचे झटके
नशिबाचे सटके
अगदीच हटके....

कविता कुठे नसते
सुवासिक अत्तरात
हर प्रश्नाच्या उत्तरात
ती असतेच हर स्थळी
फक्त वेचता आली पाहिजे
अन् वाचता आली पाहिजे ....

✍शशिकांत मा. बाबर
📞९१३०६२०८३४