फुले

फुले.......

फुले वाहिले जातात
पाहिले जात नाहित
फुले वेचले जातात
वाचले जात नाहीत..।।

फुले फुलतात सगळीकडे
पण कळतात कुठे
फुले साठवतात सगळे
पण आठवतात कुठे....।।

एक सुवास देणारी
एक नवा श्वास देणारी
एक फळ देणारी
एक लढाण्याचं बळ देणारी.. ।‌‌‌।

एक वार्याने गाळलेले
एक व्यवस्थेने गाळलेले
पहिली फुले दुसर्यावर
वाहिली जातात....
दुरुन मग दोघेही
नुसती पाहिली जातात......

एकाचा हार होतो
अन् दुसर्याची हार.....
दरसाला दोर्याचा
दोघेही सोसत राहतात भार.....।।

🖋 शशिकांत मा. बाबर