खिडकी

*खिडकी.....*

दमल्या भागल्या जिवाला या
असा मिळावा विसावा
थकुन बसावे खिडकीपाशी
अन् खिडकीतुन तुझाच चेहरा दिसावा ।।

खिडकीजवळ नुसतंच मग
उगाच बसुन रहावं
इवल्याश्या फटीमधुन तुझ्या
ओल्याचिंब केसांकडे पहावं ।।

तुझी ओलिचिंब पाठ
अन् पाहुन त्यावर तरळणारे पाणी
तुच सांग कशी येणार नाहीत
मग माझ्या तोंडी गाणी ।।

तु तोंड फिरवताच
मी लपुन जावं .....
का...?
कारण चोरुन पाहण्यात काय मजा असते
तुला कसं सांगावं ।।

तु केसांना पिळतेस तेंव्हा
एकडे काळजाला पिळ पडत जातो
अन् तुझ्या प्रेमाचा पुन्हा पुन्हा
रोग मला जडत जातो ...।।

*🖊 शशि....( तिला पाहताना....)*