ओळी

*ओळी...-----------*
*--------------------*

कित्येकदा ओळी लिहुन परत खोडल्या जातात...
काही ओळी मनातल्या मनात जोडल्या जातात...
अन् बाहेर आल्या की
परत मोडल्या जातात...
मग उगाच ञागा होतो जिवाचा
अन् भरलेल्या ओळी मग
हळुच वार्यावर सोडल्या जातात.....
भरलेल्या ओळी त्या तुझे गीत गातात...
तुझ्यापर्यंत एखादी झुळुक घेऊन येईलंच त्या ओळी
तेंव्हा अलगद स्पर्शुन घे त्यांना
फार कवटाळुन बसु नकोस त्यांना...
अन् गालातल्या गालात
वाचुन हसुही नकोस त्यांना...
तुझ्या हसण्यानं त्या शहारुन जातील
रिकाम्या ओळीही मग भरुन जातील...
अन् लोक म्हणतील मी कविता केली तुझ्यावर..
पण खरंतर तुच गिरवलेस शब्द त्या कागदावर...
हे जगाला थोडंच माहीत आहे...
जग आनंदी होईल
भरलेल्या ओळी पाहुन..
अन् मी माझी भरलेली झोळी पाहुन....

*🖊शशि....( ओळी भरताना...)*
*www.shashichyamanatale.blogspot.com*