असंच काहितरी...... ° बाप °

सुर्य जितका तप्त
तितकाच बाप‌ संतप्त आहे
कदाचित सुर्याच्या प्रकाशाला
असेल कुठे ना कुठे अंत
पण बापाचे प्रेम माञ अनंत....
बाप खरंच सुर्यासारखा
घर नावाच्या आकाशगंगेतला...
तो सुर्य तिकडं तार्यांना प्रकाशीत करतो
बाप इकडं आम्हा सार्यांना प्रकाशीत करतो....
तरीही ,
त्याच्या मनातले कित्येक स्फोट
आम्हाला अनभिज्ञच असतात....
म्हणुनंच की काय ,
भले आमचा बाप‌ आम्हाला
संत वाटत नाही...
पण त्याच्यामुळेच आयुष्यातला
वसंत कधी आटत नाही...

# असंच काहितरी
~ शशिकांत मा. बाबर