तिच्याविना श्रावण

*--------- श्रावण ----------*

शोधु नकोस मजला
या दाटलेल्या ढगात....
मी मग्न माझ्या नभात
मी मग्न माझ्या जगात......

होताच रिमझिम जराशी
आठवेल मी तुला.....
बसुनी एकांती खिडकीपाशी
शोधशील तु मला.....

मी गंध होतो पसार झालो
तु तशीच राहिलीस फुला.....
तु तिथे मी इथे झुरत असेल
माञ एकटाच झुलत असेल,
तो श्रावणातला झुला.........

आजही श्रावण
बरसत येतो जेंव्हा
तुझ्यावाचुन मी
तरसत असतो तेंव्हा......

तु माझे जग होतीस
तुझे जग झालो नाही
मी कुणाच्याच जगाचा
मग भाग झालो नाही

झाले गेले सारे
विसरुन जायला हवे ना....?
आपापल्या जगात
सुखात जगायला हवे ना ....?

पण.....,

आजही एकटाच
श्रावण पाहतो आहे
एकांती तुझेच
गीत गातो आहे........

नशिब ! एवढे तरी करु शकतो....
तुला आठवुन ,
रित्या आयुष्याचा पेला भरु शकतो.........

# असंच काहितरी.......
@ त्या दुरस्थास.... जो मनाच्या कायम जवळ आहे......

www.shashichyamanatale.blogspot.com