भुकेचं राष्ट्रगीत

आजही ऎकु येतंय
भुकेचं राष्ट्रगीत
दिसतेय इथे...
कष्टाची हार
वशिल्याची जीत
ज्यांच्या हाती सत्ता
त्यांचच हित...
तरी सारेच शांत
जगणार भीत भीत
कशाला काय बोलावं
ही तर आहेच रीत...

अशा माझ्या देशात
कुणी जेंव्हा म्हणतं
सत्ता कुबेराची रखेल आहे
अन् इथली संसद रंडीखाना आहे
तेंव्हा तोंडदेखल्या देशभक्तांना
तुम्ही त्यांना काय
देशद्रोही म्हणणार काय..

खर तर आपण काहीच करणार नाही
याची जाणिव आहे मला
ज्याचा मोर्चा त्याची चर्चा
करणारा माझा युवक
सहज दुर्लक्षित करु शकतो
इथले लाखोंप्रश्न..
अन् करेल साजरा जश्न...

पण कानावर राष्ट्रगीतापेक्षाही
भुकेचं मधुर संगीत पडतं
तेंव्हा बधिर होऊन चालेल का..?
अन् ज्यांना जमेल त्यांनी
बधीर व्हावं खुशाल

स्वातंञ्याचा रस पिता पिता
खुशाल कराव्यात न्यु इंडीया वर कविता
तुर्तास एव'ढं'च....

🖊 शशि.....