पाऊस

*पाऊस.....*

भर पावसात गळक्या छताखाली
चिलंपिलं निवांत निजत होती ।
पदरानं झाकुन लेकरांना
माय मातर रातभर भिजत होती ।।

रातभर पाऊस
अधाशावाणी पडायचा
चुलीवरती गळायचा
अन् मायला नेहमीच नडायचा.....

लेकरांसाठी सारी रात
पाऊस कुठंच नसायचा....
सकाळच्याला उठल्यावर
मायच्या डोळ्यात दिसायचा....

म्हणुनच आजही,
सोसाट्याचा सुटला वारा
अन् बरसायला लागल्या धारा ।
की आठवतो भुतकाळ सारा
अन् जीव होतो कावराबावरा ।।

*🖊शशि....( भुतकाळ मांडताना....)*
_*www.shashichyamanatale.blogspot.com*_