नवाच प्रश्न

नवाच प्रश्न ......

पाहताच तुजला आज सये
मी ऊगाच बावरलो होतो ।
मग हळुच येता भान जराशे
मी माझाच सावरलो होतो ॥

पाहताच तुझा तो चेहरा
हसलो ऊगाच गाली ।
तुझ ओठांतुन शब्दन् फुटले
पण बोलली बरेच लाली ॥

तुझ नयनांनी मज नयनांशी
हळुच सारे सांगावे ।
मुक्या आपुल्या गीतांचे
मग किस्से हळुच पांगावे ॥

वाटेल तुझला विचिञ सारे
अन् भासेन मी ग वेडा ।
पण मी आपुला साधा भोळा नंदी
तुझ भासलो जरी ग रेडा ॥

मज अंतरी जे दाटले
ते यात सारे मी मांडले ।
बघ आज अचानक कसे
भाव अंतरीचे इथे सांडले ॥

सये माझ्या प्रेमाची ग
जरा न्यारीच आहे रीत ।
लोकांची प्यारी शायरी
पण माझे साधे गीत ॥

आत्ताच नको तु विचार करु
मी कोण कुठला कळेलच तुला ।
तु उत्तर माझ्या प्रश्नांचे जरी
आज नवाच प्रश्न पडलाय मला ॥

✍शशिकांत मा. बाबर
📱९१३०६२०८३४
www.shashichyamanatale.blogspot.com