कळकळ

*कळकळ....*

उरी अंधार पाळुन
दिस जाताया ढळुन ।
मनं बसते गळुन
जनं बघते छळुन ....॥

होतो निखळ निर्मळ
कसा दाटला चिखल ।
विचारांची दलं दलं
मनी तीच मग सलं ॥

होतो झरा खळंखळं
होती जरा पळंपळं..।
आता सल भळंभळं
नाही कुणा कळंकळं ...॥

जावे बदलुनं सारे
हाती घेऊयातं वारे ।
आपल्यासाठी आपणच
आता देऊयातं नारे ...॥

नको इरषा कशाची
नको कशाची आसक्ती ।
सदा हातुन माझ्या रे
व्हावी माणुसकीची भक्ती ॥

यावा दिस लवकर
दुर व्हावी मरगळं ...।
उजेडात रातरीच्या
माझी मलाच कळकळं ..॥

*✍शशि.....*
*९१३०६२०८३४*
*www.shashichyamanatale.blogspot.com*