आई

*आई.......*

आईच्या उदरात उगवते
संस्काराचे बीज.....।
हेच बीज बहरत जाता
होते आयुष्याचे चीज ...॥

आईच्या पदरात पसरते
इवलेसे हे रोप...।
ह्या रोपाला रडतानाही
पदरातच लागते झोप..॥

आईच्या कुशीत कळते
जगण्याचे सारे ज्ञान..।
मायेची ती ऊब मिळता
लागते झोपही छान ...॥

आजही येता कुशीत तुझ्या
आई होतो बघ मी बाळ ।
जरी झालोय थोडा मोठा
अन् लोटलाय बराच काळ..॥

आई तुझी माया मला
आजन्म अशीच मिळत राहो..।
सुख सारे तुला मिळो
दुःख तुझे मी गिळत राहो..॥

*✍शशि.....( आई आठवताना...)*
*📞९१३०६२०८३४*